٢٥ يناير
أنا طول عمري ساكت و راضي في دوله تحولت الي معبد يعبد فيه الفساد مش عارف ايه الي خبطنا في دماغنا يوه ١٥يناير لما شفنا تونس تثورالمهم أنا اتخضيت من حجم الي اتخبطوا في دماغكم و قرروا يقفوا وقفه راجل يوم ٢٥ ينايرالواحد حس بالفخر انه في وسط الناس دي
يوم ٢٨يناير
هو اليوم الي مكنتش قلقان علي الثوره فيه لكن كنت قلقان علي مراتي الي جنبي و مش ناويه تمشي غير في اول المظاهره و خاصه ان كل شويه يشيلوا واحد و جري علي الإسعاف و الدخان في كل حته اليوم ده احنا قلنا كلمتنا حسني مبارك مرفوووووود و اسقطنا اله الفساد و انتصرنا
بعد ١٠٠ يوم
المجلس يهدد و يتوعد و بيقبض علي المتظاهرين و تعذيب و اعتداءات جنسيه و كشف عذريه و دي الجرائم الجنائيه اما الجرائم السياسيه فحدث بلا حرج. طريق ضلمه مش في مصلحه اي مصري استفتاء ب٢٠٠مليون جنيه علي صحه المجلس و تحضير فزاعه الاخوان و اضافه فزاعه السلفيين و ضرب للوحده الوطنيه بين المسلمين و المسيحيين و معاقبه الشعب علي الثوره بتجويعه و انفلات امنه
و طبعا مش هننسي استمرار عباده الفساد دون اي تغيير متمثلا في بقاء المعبد و ان سقط الهه و كهنته و بعض العبيد الذين لم يعبدوا اله سواه
أنا بدور علي اي حاجه كويسه عملها بعد ١٠٠ يوم و مش لاقي...........
يا اله العسكر اتقوا شر شعب مصر
يا اله العسكر نفذوا مطالبنا و ادخلوا التاريخ
يا اله العسكر احنا نازلين يوم ٢٧ مايو و حنجيب حق البلد
يا عبده مبارك و كهنته أنكم في النور و نحن نراكم
يا عبده مبارك و كهنته الشعب فقط يحمل صكوك الغفران
ليست هناك تعليقات:
إرسال تعليق